Aðalvalmynd

Auglýsing

Prófíll

  • Nafn: Miss Marvellous
  • Staður: Nottingham
  • Atvinna: Mastersnemi í alþjóðasamskiptum
  • Um mig: Hef nýlokið mastersnámi í mannréttindafræðum og er enn að læra. Hef gaman af ferðalögum (ekki tjaldferðalögum!), matargerð, söfnun uppskrifta, söng, leikhúsferðum og bókalestri. Mikil áhugamanneskja um mannréttindi, sagnfræði og mannlegt eðli.

Gagnasafn

Viktor bloggari

12. apríl 2008 klukkan 12:38
Viktor er búinn að blogga tvisvar síðan í gær og setja nýja könnun á síðuna sína. Endilega kíkið og kvittið fyrir hjá honum. Hann elskar það að fá komment við bloggin sín og bíður spenntur eftir að einhver skrifi Brosandi
Miss Marvellous
9 athugasemdir

Sorglegar Staðreyndir!

09. apríl 2008 klukkan 09:23
  • Yfir milljarður jarðarbúa hefur ekki aðgang að heilnæmu drykkjarvatni.
  • Um 6 þúsund börn deyja daglega af þessum orsökum og mun fleiri veikjast alvarlega.
  • Skortur á aðgengi að hreinu vatni er næstalgengasta dánarorsök barna undir fimm ára aldri í heiminum.
  • 400 milljónir skólabarna eru með skerta námsgetu vegna ormasýkingar.
  • Hundruð milljón jarðarbúa hefur eingöngu aðgang að vatni sem er spillt af hættulegum örverum eða efnum.

Nú stendur yfir Vatnsvika UNICEF. Almenningi gefst kostur á að styrkja vatnsverkefni UNICEF í þróunarlöndunum með því að leggja fram fjárframlög í gegnum heimasíðuna www.vatnsvika.is
Jafnframt stendur gestum valdra veitingastaða til boða að styðja við framtakið og greiða 250 krónur fyrir glasið af kranavatni.
Ég vil hvetja alla til að láta ekki sitt eftir liggja. Málefnið er afar brýnt!

Miss Marvellous
1 athugasemd

Blogglægð

03. apríl 2008 klukkan 09:07
Æi ég er ekki að nenna að blogga þessa dagana. Einhver lægð í gangi. Skilaði ritgerðinni og er núna að byrja á einni lítilli og læra undir próf sem er 15. maí. Allir hressir hérna eftir að hafa fengið ógeðslegar flensur. Ég var veik í 10 daga, byrjaði þegar við vorum í London með Sveinu og Ella, sem btw. var frábær ferð. Fórum á Queen showið, borðuðum á fínum veitingastöðum (einum alveg extra fínum, þar sem ég fékk besta hvítvín sem ég hef smakkað) og versluðum. Geggjað, og ekki spurning að þetta verður endurtekið! Já, ég ætlaði víst að segja ykkur frá tónleikunum sem ég er að fara á í sumar. Þannig er, að við Maggi erum að fara ásamt Heiðu sem býr á Suður-Englandi og hennar breska manni á Bon Jovi tónleika í lok júní. Tónleikarnir eru í úthverfi í London og ætlum við að gista eina nótt og hafa brjálæðislega skemmtilegt. Við hlökkum rosalega mikið til. Alla vega við Heiða :)
Var svo heppin að tölvan mín hrundi í miðri ritgerðarvinnu, svo ég mátti gjöra svo vel og fara og kaupa mér nýja. Keypti mér rosa fína HP tölvu (lappa að sjálfsögðu), sem var ansi ódýr miðað við svona tæki á Íslandi.
Erum búin að panta okkur ferð til Íslands í sumar. Komum 18. júlí og förum út aftur 6. ágúst. Þá er planið að eyða 2-3 dögum í London með Dóru systur og hennar föruneyti, en þau verða þar á þeim tíma.

Nenni ekki meir í bili.

Miss M.
Miss Marvellous
4 athugasemdir